هي إيصالات المياة والكهرباء من أوراق الملكية يا باشمووهااندس ؟! 

مين قالك كدة ؟ 

أصل اللي عارض عليا الشقة دي ورآني اسمه في قلب إيصال الكهرباء والمياة والغاز كمان ! 

هات ودنك طيب ... ده كلام بلح ! 

بلح يا جماعه والله ، ، ، دي أكتر اشتغالة عدت عليا في شغلنا .. 

تعالوا ندي مثال كده تفهموه وبعدين نوضح ، لو حبيت ترخص محل تجاري 
هل بيقولك فين عقد الملكية ؟ 
لا
هو عقد ايجار ومعمول عليها " إثبات تاريخ " مش " توثيق " ، ( وهنوضح الفرق ما بين الاتنين قدام ) 
و بتطلع الرخصة وبتاخد جوابات موجهه للكهرباء والمياة والتليفونات و يطلع العداد باسم حضرتك 
هل الكلام ده خلاك مالك ؟ ... رد بلمت ليه 😳 

نفس الكلام في الشقة يا جماعه اي مستأجر يقدر يركب عداد كهرباء ومياه وتليفون باسمه عادي 

وطبعا ينفع بعقد ملكيتك تركب ، ولكن المطلوب توضيحه هنا 

يا جماعة أرجوكم ، الملكية تتراجع عن طريق محامي ثقة ، وبلاش احنا ناخد الدور ده بما انه مش شغلنا 

صدقوني ... استعانتك بمحامي مشهود له بالثقة بعد استعانتك بالله ، هتوفر عليك وقوفك قدام قاضي الساعه ٩ الصبح حتي لو كنت صاحب الحق 😊


#عيوب_العقارات
#محمود_عبدالشافي