انا صاحب مكتب تسويق عقاري 
بعض اصحاب العقارات بيكونوا متفقين معانا علي عمولة معينة وبعد البيع بينقصوا كتير من المبلغ المتفق عليه !

- شوف يا سيدي 
اي علاقه اتفاقية يلزمها اتفاق ، وبما انك هنا عملت الصح واتفقت عليها قبل العقد ، فمش كفايه يكون الاتفاق شفهي ، لازم تكتب عقد مفاده انه بتعمل كوسيط ، وان الشخص او العميل ده طلب منك ( عرض أو طلب ) وان في حالة إتمام الصفقة تستحق عموله قدرها ( ... ) وأمضوا عليه ومعاكوا شهود .

طيب الكلام ده صعب خصوصا أني وسيط حر ومعنديش مكتب ومحدش هيرضي بالكلام ده

- في القانون ، يحق ليك تثبت المبالغ اللي ليك عند حد بشهادة الشهود طالما معدتش ال ٤٠ الف جنيه ، فهتروح لمحامي وترفع دعوي مطالبة بحقك ، وصدقني بعد ما يوصله الإعلان بالدعوي هيجيلك ويديلك حقك علشان تتنازل 
#محمود_عبدالشافى