العقارات سعرها ارتفع وجدا ً !

- اللي عاوز يفهم يقرأ للاخر لو سمحت 
العقارات سعرها زاد وبنسبه متقلش عن ٦٠٪‏ خلال ال ٣ شهور دول ولسه هتزيد .

ازاي ياباشا في مشاريع عارضه بنفس الأسعار اللي عارضه بيها من ٦ شهور ؟!

- طيب احنا هنفرق بين حالتين ( عقارات قديمة - عقارات جديدة )

" العقارات القديمة " 
و القديمة هنا يعني قبل حوار الدولار الأخير و ارتفاع سعر المواد الخام زي الحديد و الإسمنت .... الخ ، ودي اللي حضرتك بتسألني عليها و ما زالت عارضه بأسعار حتي لو زادت فزيادتها طفيفة ، وده علشان ارضه اللي بني عليها المشروع بالاسعار القديمة ، وكمان المواد اللي خام اللي بني بيها بالاسعار القديمة ، فطبيعي ميحتاجش يزود في الأسعار كتير و دي فرصه حلوة في الوقت ده لعمليه بيع أسرع .

" العقارات الجديدة " 
ودي المشاريع اللي طٌرحت بعد حوار الدولار و دراسات الجدوي فيها بناءا علي أسعار مواد الخام الاخيرة ، ودي مينفعش أصلا يكون قريب حتي من السعر القديم

وتعالوا ندي مثال صغير بالارقام علشان نفهم الموضوع رايح فين

- احنا في بيتك بايدك عملنا مشروع في #٦_اكتوبر قبل زيادة الدولار مباشرة وكان سعر المتر فيه ٢٢٥٠ جنيه ، و طرحنا مشروع بعد زيادة الدولار او انخفاض الجنية ب ٣٠٠٠ جنية للمتر ! 
والفرق بينهم شهرين بس ... ليه ؟ 
في المشروع الاول اشترينا الارض مساحتها ٦٠٠ متر بمليون و ٤٠٠ الف جنيه 
في المشروع التاني اشترينا الارض مساحتها ٤٥٠ متر ب مليون و ٧٠٠ الف ! 
متخيلين الزيادة في سعر الارض قد ايه ؟؟ ... اكتر من ٣٥٪‏

تكلفه المتر مباني في المشروع الاول كنّا حاسبينه علي ١٠٠٠ : ١١٠٠ جنيه للمتر ( سعر الحديد مكنش تخطي ٥٥٠٠ باي حال والأسمنت ٥٠٠ جنية )

تكلفة المتر مباني في المشروع التاني حاسبينه علي ١٤٠٠ جنيه للمتر لان سعر متر الحديد تخطي ١٠ آلاف جنيه وسعر الأسمنت وصل ٩٠٠ جنيه !

شايفين الزيادة وصلت لفين ولا لسه ؟ 
طيب انا بقول الكلام ده ليه ؟ 
اولا ً : تاخد بالك لو جالك صاحب مشروع قديم وخلص مباني و عاوز يتحجج بسعر الحديد قوله باني من سنه و الحديد زاد من شهرين بس وحط صوابعك في عينه

ثانياً : تاخد بالك لو جالك صاحب مشروع جديد و يتحجج بسعر المواد الخام و يقولك سعر متر المباني بيوصل ٢٠٠٠ جنيه بعد الزيادة دي ، برده تحط صوابعك في عينيه وتقوله محصلش ومعدات ١٤٠٠ جنيه في اصعب المناطق مباني 
طبعاً يٌضاف علي متر المباني سعر الارض

ولو حابب تتعرف اكتر علي مجال العقارات تابعنا

ولو حابب تمتلك شقتك بسعر التكلفة سجل علي موقع مبادرة #بيتك_بايدك من هنا

www.baitkbiedak.com
تحياتي 
#محمود_عبدالشافى