أنا دايماً بنصح اللى حواليا لو معاه فلوس وبيفكر يشترى شقة وخصوصأ لو كانوا هم دول اللى حيلته ، يأجر فى الحته اللى نفسه يسكن فيها ( خصوصاً انه فى الغالب المبلغ اللى معاه مش هيجيبله شقة فى المكان ده ) ، وفلوسه دى يدورها فى اى حاجه

مش معقول علشان يوفر 2000 جنية 4000 جنية ايجار يقعد على 700 الف مثلاً

الفلوس دى لو دارت فى العقارات ( والعقارات هنا مش لازم شقة ، ممكن أرض ولو زراعية ممكن محل تجارى وممكن شقة صغيرة ) و يستنى عليها و يبيعها هتجيبله مع اى ابسط زيادة فى سعر العقارات أفضل من توفير الايجار

يعنى مثلا فى أسيوط .. عندنا شقق بمليون والحد الاقصى لايجارها 3000 جنية او اقل

يعنى 36 الف فى السنة

الشقة دى بابسط زيادة 10% فى السنة ( فى أسيوط مفيش النسبة دى اقل حاجه 40 % وانت طالع ) يعنى بنتكلم فى 100 الف جنية !

واسمك معاك عقار تتسند عليه و فلوسك مضمونه فيه ، وعايش فى المكان اللى نفسك تعيش وتتنفس فيه (y)

تانى : المهم يكون معاك عقار ... مش مهم تسكن فيه